|
Lindja e nje femije, nje eksperience e re |
|
|
|
Lindja e fëmijës është në të vërtetë një përvojë e re. Ekzistojnë shumë ndjenja të kundërta si edhe frika se a do të dijë valle nëna të sillet drejt e tu përgjigjet kërkesave të bebes sipas kërkesave të kohës. Është e domosdoshme që cdo nëne, e vecanërisht ne lindjen e pare, ti sigurohet ndihma dhe kujdesi maksimal nga anëtarët me të afërt të familjes, në mënyrë që ajo të mund të pushojë e të flejë aq sa duhet; të mos jetë e ngarkuar fizikisht e psiqikisht, pra të mos përjetojë periudha melankolie, depresioni apo destabiliteti psikik. Në këtë periudhë, per shkak të turbullimeve hormonale dhe procesit të lindjes, nëna është shumë e ndjeshme dhe shpesh nuk është e sigurt ne aftësitë dhe ne mundësitë e saj.
Të jesh prind nuk është profesion, por një aftësi që fitohet gjatë jetës, një përvojë që pasurohet me cdo fëmijë të ri. Por, mos kërkoni receta, formula apo zgjidhje magjike. Dëgjojeni instinktin tuaj dhe këshillat e profesionistëve të shëndetësisë. Impenjohuni aktivisht dhe jepni gjithcka nga vetja!
Per të arritur këtë, është me rëndësi që gjatë shtatzënisë ju dhe partneri juaj të jeni tëinformuar mbi gjithgka që ju pret pas lindjes sëfëmijës, mbi nevojat e tij per ushqim, kujdesin per mirërritje dhe zhvillim normal fizik e psikik. Në këtë mënyrë do të mund të përballoni të gjitha problemet e juve si nëne do t'ju ofrohet mundësia per të qenë e lumtur dhe e kënaqur në ditët dhe muajt e pare pas lindjes.
Si shtatzënë, lehonë dhe nëne që jep gji, është e domosdoshme të njiheni me këto që vijojnë:
• Duhet ti kushtoheni bebes me vullnet te plote.
• Duhet tu përmbaheni rregullave higjienike dhe të të ushqyerit. Kjo nënkupton qe gruaja në shtatzëni "ushqehet per dy vetë" por "nuk ushqehet si dy vetë". Është shumë me rëndësi që ushqimi të jetë i pasur me vitamina, minerale, yndyrna dhe sheqerna. Vlera e ushqimit qëndron tek cilësia, jo tek sasia.
• Evitoni marrjen e tepërt të ushqimeve të yndyrshme e të ëmbla;
• Ndër mineralet, është shumë e rëndësishme marrja e kalciumit (qumështit, kosit, produktet e qumështit).
• Shoqërohuni, këmbeni përvojë me të tjerët, mos u largoni nga aktivitetet që i doni, aktivitete, të cilat nuk e pengojnë shtatzëninë.
• Kujdesuni per pamjen tuaj dhe kontrolloni peshën gjatë shtatzënësisë.
• Jepini gji bebes suaj.
|
Pyetjet me te shpeshta 
